Commons:Erschti Schritt/Witerverwändig
Alemannisch | asturianu | català | čeština | Deutsch | English | español | français | galego | magyar | italiano | 日本語 | polski | português | română | русский | slovenčina | shqip | suomi | svenska | Türkçe | 中文（简体） | 中文（繁體） | +/−
| Erschti Schritt |
|---|
Wie mer Mediedateie uss de Commons verwändet[edit]
Bi de Commons noch Dateie süeche[edit]
Zum bstimmti Mediedateie uss de Commons finde, süech zerscht noch me Artikel, wo d'Datei dinne ßy chönnt. Es hät bi de Commons weniger Artikel wie bi de Wikipedia, aber es hät zu Oberbegriff wie Bicycle (Fahrrad), Lake (See), vyle Nationalparks, Pflanzearte, Dier etc. D'Artikelnäme sälber ßin uff Änglisch, aber zu vyle anderschtsprochige Titel git's Witerleitige, wo dich zum richtige Artikel fiehre. Wie zum Uffelade cha au de Kategoryebaum zimlig hilfrych ßy. Au d'Kategorye ßin uff Änglisch, wyl d'Commons e internationals Brojäkt ßin - und zwar generäll im Blural (Mehrzahl; z.B. Category:Planets). Für Pflanzenäme wird normalerwis di latynischi Bezeichnig verwändet. Es isch nadürlig gwünscht, in de lokale Wikimedia-Brojäkt statt me lokale e Bild zu de Commons z verwände, wenn säll möglig isch.
E güeti Mögligkeit, bstimmti Dateie bi de Commons z finde, bietet d'Spezialsite "Süeche" oder d'Navigatonsleiste am linke Rand.
Wenn dr d'Mediedateie vo do usserhalb vo de Wikimedia-Brojäkt verwände wottsch, no chasch säll gärn mache. De müesch aber uff e baar Sache achte:
- Im Gegesatz zu de normale Mediedatebanke und Bildarchiv ßin d'Wärk uff de Commons frei. Es darf also jeder alli Dateie vo do zu jedem Zwäck kopiere, bearbeite und witergee, au zu kommerziälle Zwäck. E Yschränkig isch meistens, dass de Urheber gnännt werre müeß und du d'Kopye, Verbesserige und Erwiterige under de glyche Freiheite an anderi witergisch.
- D'Wikimedia-Commons-Datebank sälber und alli Tekscht dinne stönn under de GNU-Lizänz für freii Dokumentation. D'Lizänzbedingige vo de einzelne Mediedateie stönn uff de jewylige Dateibschrybigssite.
- Szei dr aber bewusst, dass mr d'Korräkthet vo de Informatione für jedi einzelni Datei nit chönne garantiere. Lüeg also immer sälber noch, ob d'Lizänzbedingige, wo uff de Bschrybigssite agee werre, au richtig ßin, bevor dr e Datei verwändsch.
- Detaillierti Informatione zu de Verwändigsbstimmige findsch uff de Site Commons:Lizenzierig.
Dateie vo de COmmons in anderi Wikimedia-Brojäkt ybaue[edit]
Im Allgemeine darfsch alli Dateie uss de Commons in jedem beliebige Wikimedia-Brojäkt uff di glychi Art ybinde, wie wenn d'Datei lokal gspeichert wär. Wenn dr zum Bispyl e Bild in e Artikel ybaue wottsch, no verwänd sälle Baustei:
[[Datei:Dateiname.jpg|thumb|321px|Bschrybigstekscht, wo im Artikel azeigt werre soll.]]
Zum e Audiodatei ybinde, häsch zwei Mögligkeite, wenn d'Vorlag {{Audio}} innerhalb vom Wiki existiert. Ansunschte verwändsch sälli Schribwis:
[[Media:Dateiname.jpg|sichtbare Bschrybigstekscht]]
Hilf zum Abspyle vo Mediedateie[edit]
Uff de Commons werre numme freii Dateiformat verwändet. Es cha ßy, dass mer züesätzligi Brogrämm inschtalliere müeß, we mer sälli witergee wott. E Aleitig dodezüe findet mer uff de Site Commons:Mediehilf.
Dateie vo de Wikimedia Commons in d'Brojäkt vo andere ybinde[edit]
Diräkt Dateie vo de Commons in extärni Wikis yzbinde, isch nit erlaubt, wyl d'Wikimedia dodefür übermäßigi Choste für d'Bandbreiti mießt zahle. Extärni Dienschträchner, wo säll undernämme, werre unbeschränkt gsperrt, nochdem's de Wikimedia-Server-Administratore ufffallt. Es git aber e Brojäkt, wo e eifache Züegang zum Commons-Material für aanderi MediaWiki-Inschtallatione möglig mache soll. Säll Brojäkt heißt InstantCommons und wird im Momänt no entwickelt. Alli Dateie mien also no separat in anderi Wikis uffeglade werre.
Du chasch aber gärn Dateie uss de Commons verwände, wenn dr dich an d'Lizänzbedingige vo de einzelne Dateie haltsch.
