Commons:Hüfigi Froge

Anderi Sproche:

Alemannisch | català | dansk | Deutsch | English | Esperanto | español | français | galego | עברית | magyar | interlingua | italiano | 日本語 | ភាសាខ្មែរ | 한국어 | Lëtzebuergesch | Nederlands | norsk nynorsk | norsk bokmål | polski | português | română | русский | slovenščina | suomi | svenska | 中文（简体）‎ | 中文（繁體）‎ | +/−

Die Site stellt di hüfige Froge vo de Allmänd mit re churze Antwort und/oder me Verwys uff d Hindergrundsite zämme.

Froge zum Projäkt

Um was goht's uff de Site?

D Alländ (Wikimedia Commons, churz au "Commons") isch e Mediesammelstell, wo nit vo bezahlte Künschtler, sondern vo Freiwillige gschaffe worre isch und verwaltet wird. De Name "Wikimedia Commons" chunnt vom Dachprojäkt Wikimedia, wo d Allmänd, d Wikipedia, s Wiktionary und no vyli anderi Projäkt leitet, und em änglische Wort "commons", wyl d Allmänd e allgemeins Projäkt für alli Wikimedia-Projäkt isch.

Eso isch e zentrali Sammlig vo Fotos, Diagramm, Animatione, Musik, Tekschtuffnahme, Videoclips und allne andere Arte vo Media am entstoh, wo nützlig für jedes Wikimedia-Projäkt ßin.

Was isch d Zylsetzig vom Projäkt?

Lüeg uff Commons:Projäktfokus.

Chann ich Material uff d Allmänd lade?

Ja, nadürlig chasch des - genau säll isch, was mr vo dir wän. Fang eifach bi de Erschte Schritt a, um an dem Projäkt deilz'neh.

Was für Material chann ich uffelade?

Jedi Mediadatei, wo e freii Lizänz hät, cha uffeglade werre. Lüeg aber au uff d Urheberrächtsfrog für di nötige Lizänzbedingige.

Chann ich au Tekscht uffelade, wo ich de Autor devo bi?

Uff de Allmänd goht's um multimediale Inhalt (Bilder, Film, Dön), nit Tekscht. Wenn du aber dy Tekscht under de GFDL lizenziere wottsch, no chasch en je noch Form/Inhalt zu me andere Projäkt, z.B. zue d Wikipedia, em Wikisource oder em Wikibooks bytrage.

Urheberrächtsfroge

Welli Lizänze mien Dateie ha, wo-n-ich uffelad?

Du müesch sicherstelle, dass alles, wo dr uffeladsch, entweder isch, oder under re andere freie Lizänz wie de GNU FDL oder re Creative-Commons-Lizänz stoht. Für anderi Mögligkeite zur Lizenzierig lüeg uff Lizenzierig und Commons:Lizänzvorlage. Bitte sug dr nit e neui Lizänz uss de Finger. Au wenn dr de Inhalt uff em Netz sihsch, no heißt säll nit, dass er gmeinfrei isch.

Chann isch Scans oder Bilder vo andere, wo-n-ich gändert ha, uffelade?

Numme de Hersteller vo de ursprünglige Arbet oder dä, wo d Rächt an de Arbet verchauft worre ßin, cha e Arbet lizenziere. E Scan oder e Änderig isch kei eigeständigi Arbet. Des heißt, dass du dir nit eifach e Datei uss em Netz kralle und si mit re GFDL- oder CC-Lizänz verseh chasch.

Wiso hät's uff de Allmänd kei "fair use"-Inhalt?

Einer vo de Grundprinzipie isch numme freie Inhalt gßi. Säll wird sich nit wie d NPOV-Richtlinie uff de Wikipedia ändere. Denäbe variiere d Urheberrächtsgsetz vo Land zu Land. Eso variiere au d fair-use-Gsetz vo Land zu Land, wo au jedes Land sini eigeni Interpretation hät und vyli Jurischdiktione s "fair use"-Konzäpt au gar nit känne. Im Ändeffäkt cha fair use sälte usserhalb vo de Vereinigte Staate verwändet werre. D Inhaltvo de Allmänd sott mer in jedem Land verwände chönne, gsetzlig cha d Allmänd also kei "fair use"-Inhalt neh.

Chann ich Material vo de Site usserhalb vo de Wikimedia verwände?

Jo, chasch. Wie au immer, du müesch uff de Bildbeschrybigssite lüege (indem dr uffs Bild klicksch), under weller Lizänz des stoht. In de meiste Fäll isch es in Ordnig, wenn dr d Autore- und Lizänzinformatione vo de Bildbeschrybigssite kopiersch und zämme mit em Bild oder de Datei veröffentligsch. Lüeg Commons:Lizenzierig für Einzelheite.

Git's für e optimali Bildbeschrybig e Paradigma?

Jo, du chasch e nätts Tutorial drüber bi Erschti Schritt finde. Du sottsch d Vorlag "Information" verwände, um d Beschrybig z mache.

Technischi Froge

Was für e Ufflösig sotte Bilder, wo-n-ich uffelad, ha?

D Ufflösig soll so hoch ßy wie möglig. Du müesch nit uff de Speicherplatz vo de Festplatte Rucksicht neh oder dr Sorge wäge de lange Ladezit mache, wyl d Software automatisch chleineri Versione (wie in de Artikel age) generiert und zwüschespeichert.

Wie chann ich s Material in de Wikipedias diräkt verwände?

Verlink grad eso zum Dateiname vom Bild, wie wenn's e lokale Name wär. Beacht: 'S cha e Verzögerig bim Lade vom Bild vo de lokale Wikipedia us ge. Des litt an de zwüschegspeicherte Versione vom Bild und cha mit em Neulade vom Bild sälber, nit vo de Site, wo's druff isch, behobe werre. Lüeg au Commons:Ybette vo Medie.

Wie chann ich e Bild vo de Wikipedia uff d Allmänd übertrage?

Wenn s Bild under re freie Lizänz stoht, no ladsch dr di gröschtmöglig Version uff dy Rächner abe und ladsch's uff d Allmänd uffe. Wenn dr dodemit fertig bisch, no müesch d Bildbeschrybigssite kopiere und lüege, ob de Name vom Autor und/oder d Internetadräss vo de Quälle, s Datum und e Churzbeschrybig hät. Schrib d URL vo de Originalwikipedia dezüe und de Name vo dem, wo's ursprünglig uffeglade hät. Lüeg, dass licence tags und anderi Vorlage uff de Allmänd korräkt ßin.

Wie chann ich e Bild oder anderi Mediedatei umbenänne?

Use {{rename|[[:File:...]]</nowiki>

Galeryesite chönne vo agmäldete Nutzer mit em Link "move", iebligerwis obe uff de rächte Site (hängt vom Skin ab) umbenännt werre. Neui Nutzer chönne keini Site umbenänne; wenn dich des betrifft, no frogg öbber anders, ob er's für dich macht.

Wie kategorisier ich e Site/Bild?

Bispyl: Wenn dr s Bild zum Bispyl in d Kategory "XXX" yordne wottsch, no schrib uff d Bildbeschrybigssite:

[[Kategorie:XXX]]

Si wird dänn automatisch kategorisiert.

Wie düen ich d Bilder/Site am beste kategorisiere?

D Kategorisierig sott de "W-Froge" folge, am wichtigste: Was isch's, wo isch's? Zum e Kategory (oder Galerysite) finde, wo s Bild drybasst, lüeg uff de Hauptsite, uff de Süech-Site Commons:Süeche und s Kategoryebaumwerkzüg. Lüeg d Kategorye vo dört a und gang zu derre, wo's am beste anebasst. Deno lüegsch d Underkategorye a und süechsch dr eini devo us. Widderhol des so oft, bis dr zfryde bisch. Wenn dr unsicher bisch, no nimm e allgemeineri Kategory.

Wie erstell ich am beste e Galery vo mine Bilder?

Du chasch entweder e Undersite vo diner Nutzersite alege (wenn dr de Nutzer XYZ bisch, no mach d Site User:XXX/Gallery uff) oder e Kategory (z.B. Category:Bildli vom XYZ) erstelle. Alli Galerye sotte in de Category:User galleries ßy - lüeg dört für Bispyl. Um alli Bilder z'finde, wo dr je uffeglade häsch, chasch d Site Special:Log/upload uffrüefe oder di automatisch generierti Galery verwände (änder numme s Wiki uff "Commons" und gib dy Nutzername y).

Wiso isch e alts Bild und nit s neuè uff minem Bildschirm?

Probier de Neulade-Chnopf us oder düe so, wie wenn dr d Site bearbeite wotsch, und benutz d Vorschaufunktion.

Wie chann ich noch Bilder süeche?

Lüeg uff Special:Search und folg de Hywys und Links dört. Du chasch au im züeghörige Artikel in einere vo de Wikipedias goh und lüege, was er für Bilder verwändet. Au mithilf vo de Kategorye chasch Bilder zu me bstimmte Thema lychter finde.

Wie wird d Software für des Projäkt gmacht/abasst?

Lüeg Commons:Tools, Commons:Tool integration und Commons:Features.

Ich ha vyli Dateie; chann ich si im Stappellauf uffelade, ohni dass i's einzeln mache müeß?

S Programm Commonist isch e Java/BeanShell-basierts Werkzüg zum Uffelade mit re Benutzeroberflächi. 'S sott mit Linux, MacOS und Windows laufe.

De Dateie-Uffladedienscht listet hilfsbereiti Lüt uff, wo du e ZIP-Archiv vo dine Dateie schicke chasch.

Für die wo sich uff de Unix-Kommandozyle uskänne, hät de Eloquencein Perl e Script zum Uffelade gschrybe, wo uff de meiste Unices, Unix-ähnlige-, Linux- und Mac-OS-X-Computer laufe sott. Du chasch des au neh, um e Freiwillige Dateie-Uffelader z'werre.

Froge zu de Gmeinschaft

Was isch e Administrator (Admin, Ammann, Ame) und wie wir ich eine?

Lüeg Commons:Administratore.

Wo chann ich Froge stelle?

Für Alemannisch chasch uff de Stammdisch goh, allgemein (Änglisch) uff Commons:Village pump und Commons:Help desk.

Wie schafft d Allmänd mit ähnlige Projäkt zämme?

Lüeg zum Bispyl Commons:10000 Gmälde vun Directmedia und Commons:Zämmeschaffe mit Ourmedia.

Was müeß ich mache, wenn e Site oder Datei glöscht werre soll?

Lüeg uff Commons:Löschaträg und Commons:Löschrichtlinie.

Was für e Sproch soll ich verwände?

Lüeg Commons:Sproche.

Wiso werre nit alli Bilder vo andere Wikimedia-Projäkt eifach do uffeglade?

Am wichtigste: Mänki Wikipedias hän weniger strängi Lizänzierigsrichtlinie wie d Allmänd, drum chönne e baar Bilder dört uffeglade werre, au wenn si uff de Allmänd unzüelässig wäre. Am wichtigste isch, dass d Allmänd "fair use"-Inhalt nit erlaube cha, au wenn's anderi Wikipedias erlaube.

Lüt, wo nit güet Änglisch chönne, hän's uff de Allmänd schwyrig. Mr versüeche zwar, d Informatione in vyle Sproche bereitz'stelle, allerdings ßin di änglische Tekscht am ehste aktuäll. Au Sache wie d Kategoryenäme chönne no nit uff andere Sproche ßy.